An Appeal from National Vigilance Centre, Government of Nepal.
भविष्यका कार्ययोजना:
नेपाल सरकारको उच्च प्राथमिकतामा परेको भ्रष्टाचार निरोधात्मक कार्यक्रमलाईसफल पार्न नागरिक समाज, गैरसरकारी संस्था, अन्तराष्ट्रिय गैरसरकारी संस्थासंग, समेत सहकार्य गरी व्यापक रुपमा भ्रष्टाचार विरुद्ध जनचेतना जगाउन गोष्ठी, सेमिनार, अन्तरकयाका कार्यक्रमलाई अधिराज्यव्यापी बनाउने ।
भ्रष्टाचार विरुद्ध जनचेतना अभिवृद्धि गर्न श्रव्य दृश्य सामाग्रीहरु जस्तै टेलिफिल्म, छोटाछोटा जनचेतनामूलक सन्देश , डकुमेन्टरी आदि प्रसारण गर्ने ।
सार्वजनिक विकास निर्माण कार्यमा गुणस्तरीयता प्रत्याभूत गर्न प्राविधिक परीक्षण पद्धती (Technical Auditing System) लाई अझ व्यापक वनाउँदै लगी सवै आयोजनाको लागि यो व्यवस्था अनिवार्य बनाउने वातावरण मिलाउन प्रयास गरिने । यस्तो परीक्षणमा उपभोत्ता समूह (Users Group) समेत सहभागी गराउँदै लाने ।
सार्वजनिक निर्माण आयोजनाहरुमा गरिने प्राविधिक परीक्षण कार्यलाई आयोजना कार्यान्वयनकै अंगका रुपमा लिई सबै खाले आयोजनाको लागत अनुमान तयार गर्दा प्राविधिक परीक्षण कार्यको लागि निश्चित प्रतिशत रकम समावेस गरी प्राविधिक परीक्षण कार्यमा तीव्रता ल्याउने वातावरण मिलाउन प्रयास गरिने ।
यस केन्द्रका कर्मचारीलाई भ्रष्टाचार रोकथामका क्षेत्रमा दक्षता वृद्धि गराईविशेषज्ञीकरण तफ उन्मुख गराउन आवश्यक पर्ने स्वदेशी तथा विदेशी सीप र प्रशिक्षण दिलाउँदै जाने ।
अनिवार्य रुपमा संपत्ति विवरण बुझाउनु पर्ने कानूनी दायित्व भएका सार्वजनिक पद धारण गर्ने व्यत्तिहरु सबैको संपत्ति विवरणको अनुगमनको लागि निर्देशिका तयार गरी अनुगमन गर्ने कार्यलाइ व्यापकता दिने ।
भ्रष्टाचार रोकथामका लागि जन चेतना जगाउने खालका सवै कार्यक्रम तथा अभियानहरुमा सक्रिय सहभागिता बढाउदै जाने ।
रेडियो तथा टेलीभीजन माफत भ्रष्टाचार विरुद्ध जनचेतना अभिवृद्धि मूलक नियमित कार्यक्रम देशभर प्रसारण गर्ने व्यवस्था मिलाउने ।
अधिराज्य भरिका सरकारी कार्यालय एवं सार्वजनिक संस्थाबाट संपादन हुने कार्यको नियमित अनुगमन गरी प्राप्त सूचनालाई अभिलेखिकरण गर्ने ।
