An Appeal from National Vigilance Centre, Government of Nepal.
अन्तराष्ट्रिय सम्बन्ध र सहयोग:
भ्रष्टाचार रोकथाम एवं नियन्त्रणको लागि विश्वका अन्य मुलुकमा भएका निरोधात्मक एवं प्रवर्धनात्मक व्यवस्था तथा ती मुलुकहरुमा अवलम्बन गरिएको नीति तथा अनुभव गरिएका कुराहरु हाम्रो मुलुकको सन्दर्भमा पनि उपयोगी हुनसक्ने हुंदा केन्द्रले मूलत: यस क्षेत्रका राष्ट्रका भ्रष्टाचार नियन्त्रणमा संलग्न निकायहरुसंग सम्पर्क एवं सम्बन्ध विकास गर्दै लैजाने सोच लिएकोमा केन्द्रका छ वटा टोलीले मलेसीया, अष्ट्रेलिया, हङकङ, चीन आदि देशमा वैदेशीक भ्रमण संपन्न गरिसकेका छन् । ती निकायका सम्बद्ध पदाधिकारीहरुसंग अनुभवको आदान प्रदान एवं केन्द्र र ती निकायबीच हुन सक्ने सहयोगका क्षेत्रका बारेमा परामर्श समेत भएको छ ।
अन्तराष्ट्रिय सम्वन्ध विस्तारमा भएका उपलब्धीहरु:
केन्द्रका प्रमुख सहितको टोलीले २०६२ जेष्ठ ११ देखि २० सम्म थाइलैण्डको National Counter Corruption Commission (NCCC) र हङकङको Commission Against Corruption (ICAC) भ्रमण गरी ती निकायका सम्बद्ध पदाधिकारीहरुसंग अनुभवको आदान प्रदान गर्दै केन्द्र र यी निकाय बीच हुन सक्ने सहयोगका क्षेत्रहरुका बारेमा परामर्श गरेको ।
केन्द्रको ३ (तीन) सदस्यीय टोलीबाट २०६२ श्रावण ९ देखि २० गते सम्म अष्ट्रेलिया र मलेसियाको अध्ययन भ्रमण भई भ्रष्टाचार न्यूनिकरणका क्षेत्रमा कार्यरत विभिन्न निकायहरुसंग अनुभव आदान प्रदान गरी सम्वन्ध विस्तार गरेको ।
