सार्वजनिक पदधारण गरेका व्यक्तिले प्रचलित कानून बमोजिम पेश गरेका सम्पत्ती विवरणका माध्यमबाट समेत पनि आयको अनुगमन गर्ने कार्य यस केन्द्रलाई तोकिएको छ । यस कार्यलाई अगाडि बढाउने क्रममा निजामती सेवाका बिशिष्ट श्रेणीदेखि रा.प. व्दितीय श्रेणीसम्मका राष्ट्रसेवकहरूको सम्पती विवरण अद्यावधिक गरे नगरेको विवरण प्राप्त गरिसकिएको र रा।प।तृतीय श्रेणीका कर्मचारीहरुको सो सम्बन्धी विवरण प्राप्त गर्ने तर्फ केन्द्रले कार्य गरिरहेको छ ।आयको अनुगमन कसरी गर्ने भन्ने सम्बन्धमा आन्तरिक कार्यविधि समेत निर्माण गरी सकिएको छ । ऐनको प्रावधान अनुरुप सम्पत्ती तथा आयको अनुगमन गोप्य रुपमा गरिने व्यवस्था मिलाइनुका साथै अनुगमन कार्य वढी प्रभावकारी बनाउन अधिकृतस्तरमा शुरु प्रवेश गर्दा बुझाइने सम्पत्ती विवरण केन्द्रले नै राख्ने तर्फ कार्य अगाडि बढाउदै लगिएको छ । यस अलावा अकूत सम्पत्ती कमाएको भनी केन्द्रमा परेका उजूरीहरु उपर पनि कारवाही अगाडि बढाइंदै रहि आइएको छ ।नेपाल सरकारले भ्रष्टाचार निवारण ऐन २०५९ को दफा ५० को उपदफा ९१० को प्रयोजनको लागि मिति २०५९।५।३ को राजपत्रमा सूचना प्रकाशित गरी सार्वजनिक पद धारण गरेका देहायका व्यक्तिले यसैसाथ संलग्न ढाँचामा आफ्नो वा आफ्नो परिवारको नाममा रहेको सम्पत्तीको स्रोत वा निस्सा सहितको अद्यावधिक विवरण पेश गर्ने प्रयोजनको लागि देहाय वमोजिमको निकाय तोकेको छ:-