An Appeal from National Vigilance Centre, Government of Nepal.
काम, कर्तव्य र अधिकार
भ्रष्टाचार निवारण ऐन, २०५९ को दफा ३८ बमोजिम यस केन्द्रलाई देहाय बमोजिम काम कर्तव्य तथा अधिकार सुम्पिएको छ ।
नेपाल सरकारका मन्त्रालय/विभाग/कार्यालय वा सार्वजनिक संस्थाबाट सम्पादन हुनुपर्ने कार्यहरु नियमितरुपमा भए नभएको बिषयमा सूचना संकलन गर्ने ।
नेपाल सरकारका मन्त्रालय, विभाग, कार्यालय वा सार्वजनिक संस्थाबाट नियमितरुपमा हुनु पर्ने कार्य भएको नपाइएमा त्यस्ता निकायलाई सो बिषयमा सतर्क गर्ने ।
सार्वजनिक पदधारण गरेका व्यक्तिले प्रचलित कानून बमोजिम दिएको सम्पत्ती बिवरण र आयको अनुगमन गर्ने।
भ्रष्टाचार हुनसक्ने स्थान वा काममा नियमित निगरानी राख्ने, छड्के जाँच र अन्वेषण गर्न आवश्यक ब्यवस्था मिलाउने ।
भ्रष्टाचार नियन्त्रण सम्बन्धमा अपनाउनुपर्ने नीति, रणनीति र तत् सम्बन्धी कानूनमा कुनै सुधार गर्नुपर्ने देखिएमा नेपाल सरकारलाई आवश्यक सुझाव दिने ।
नेपाल सरकारका मन्त्रालय, विभाग, कार्यालय वा सार्वजनिक संस्थामा उजूरी पेटीका राख्ने ब्यवस्था मिलाउने ।
भ्रष्टाचारको रोकथाम गर्ने उद्देश्यले आवश्यकता अनुसार सम्बन्धित निकायलाई सुझाव वा निर्देशन दिने ।
भ्रष्टाचार सम्बन्धी कसूरमा अनुसन्धान गर्ने निकाय वा पदाधिकारीबाट भ्रष्टाचार सम्बन्धी आवश्यक बिवरण वा सूचना प्राप्त गरी अद्यावधिक गराई राख्ने ।
भ्रष्टाचार सम्बन्धी प्राप्त कुनै जानकारी सम्बन्धित निकायमा लेखी पठाउने ।
भ्रष्टाचार नियन्त्रण सम्बन्धमा आइपर्ने अन्य काम गर्ने वा गराउने ।
नेपाल सरकारले तोकेका अन्य काम गर्ने वा गराउने (यस अर्न्तर्गत सार्वजनिक निर्माण कार्यको प्राविधिक परीक्षण गर्ने गराउने कार्य गर्न यस केन्द्रलाई तोकिएको छ ।)
क्र.स.
रणनीति
गर्नुपर्ने कार्यहरु
कैफियत
१.
सार्वजनिक निर्माण कार्यलाई ब्यवस्थित, मितव्ययी र पारदर्शी बनाइनेछ ।
सार्वजनिक निर्माणको गुणस्तरीयता कायम गर्ने तथा यसमा संलग्न व्यक्तिहरुलाई सदाचारभित्र राख्न राष्ट्रिय सतर्कता केन्द्रमा प्राविधिक परीक्षण महाशाखा ९त्भअजलष्अब िब्गमष्त म्ष्खष्कष्यल० खडा गरी प्रभावकारी परीक्षणाको ब्यवस्था गर्ने ।
वि.सं. २०६० सालमा केन्द्रमा प्राविधिक परीक्षण महाशाखा स्थापना भई विकास आयोजनाहरुको प्राविधिक परीक्षणको कार्य शुरु भइसकेको ।
२.
कर्मचारी प्रशासनलाई जनमुखी, गुणस्तरीय, सक्षम, निष्पक्ष, प्रभावकारी, पारदर्शी र उत्तरदायी बनाई प्रशासनयन्त्रको सवलीकरण गर्न ।
नागरिक समाज समेतको सहभागितामा भ्रष्टाचार नियन्त्रणमा उल्लेखनीय छवि प्रस्तुत गर्ने विभागरनिकायर कार्यालयहरुको मूल्याÍन गरी वर्षको "उत्कष्ट निकाय" घोषणा गर्ने ।
-
३.
भ्रष्टाचार नियन्त्रण गर्न तथा आर्थिक अनुशासन कायम गर्न स्थापित संवैंधानिक तथा अन्य सरकारी निकायहरुको संस्थागत क्षमता सुर्दढ गरी भ्रष्टाचार नियन्त्रण सम्बन्धी कार्यलाई प्रभावकारी तुल्याइनेछ ।
राष्ट्रिय सतर्कता केन्द्रलाई आवश्यक स्रोत साधनको ब्यवस्था गरी सक्षम र सुदृढ तुल्याउने र प्राप्त सम्पत्ति विवरण प्रचलित कानून बमोजिम छानविन गरी आवश्यक कारवाहीको लागि सम्वन्धित निकायहरुमा लेखी पठाउने ।
सार्वजनिक पदधारण गरेका व्यत्तिले संपत्त विवरण सम्बन्धित निकायमा बुभाए नबुभाएको जानकारी सम्बन्धित निकायबाट लिई जाँचबुभ गर्ने कार्य भइरहेको ।
४.
सरकारी, सार्वजनिक तथा गुठी जग्गाको व्यवस्थापनलाई प्रभावकारी बनाई भूमि प्रशासन सम्बन्धि कार्यमा हुने भ्रष्टाचारलाई निरुत्साहित तुल्याउने ।
अधिराज्यभरका सरकारी सार्वजनिक तथा गुठी जग्गाहरुको अभिलेख अद्यावधिक गरी गुठी संस्थान र राष्ट्रिय सतर्कता केन्द्रमा राख्ने व्यवस्था मिलाउने ।सरकारी सार्वजनिक तथा गुठी जग्गाको व्यवस्थापनलाई प्रभावकारी बनाई जग्गा हडप्ने प्रवृतिलाई कडाइका साथ नियन्त्रण गर्ने ।
